.
Tuesday, June 21, 2011
நேஷனல் ஜியாகிராபிக் சானலின் தமிழ்ப் பதிப்பை நடிகை ஷ்ரியா தொடங்கியுள்ளார். மேலும் இந்த சானலை பிரபலப்படுத்தும் பணியிலும் ஷ்ரியா ஈடுபடவுள்ளார்.அறிவியல், தொழில்நுட்பம், வரலாறு, கலாச்சாரம், இயற்கை, வன வாழ்க்கை உள்ளிட்டவை குறித்த செய்திகளை, டாக்குமெண்டரிப் படங்களை ஒளிபரப்பி வரும் சானள் நேஷனல் ஜியாகிராபிக் சானலாகும். இது தற்போது 24 மணி நேர தமிழ்ப் பதிப்பை தொடங்கியுள்ளது.
கடந்த ஆண்டு தெலுங்குப் பதிப்பை அது தொடங்கியது. அதேபோல பெங்காலியிலும் ஒளிபரப்பாகி வருகிறது. இந்த நிலையில் தற்போது தமிழையும் தனது பட்டியலில் நேஷனல் ஜியாகிராபிக் இணைத்துள்ளது.
தமிழி்ல் தனது சானலைப் பிரபலப்படுத்த நடிகை ஷ்ரியாவை அணுகியது நேஷனல். அவரும் மகிழ்ச்சியுடன் அதை ஏற்றுள்ளார். இதுதொடர்பான நிகழ்ச்சியில் ஷ்ரியா பேசுகையில், நேஷனல் ஜியாகிராபிக் சானலின் நீண்ட நாள் ரசிகை நான். தற்போது அதன் தமிழ்ப் பதிப்பை தொடங்கி வைப்பதில் பெருமைப்படுகிறேன் என்றார்.
நேஷனல் ஜியாகிராபிக் சானலின் போட்டியாளரான டிஸ்கவரி சானல், கடந்த ஜனவரி மாதம் தனது தமிழ்ப் பதிப்பை தொடங்கியது நினைவிருக்கலாம்.
