.
Sunday, May 01, 2011
நடிகரும், மாஜிக் நிபுணருமான அலெக்ஸ் உடல் நலக் குறைவு காரணமாக இன்று காலமானார். அலெக்ஸ் நீண்டகாலமாக தொண்டையில் ஏற்பட்ட புற்றுநோய் காரணமாக அவதிப்பட்டு வந்தார்.நேற்று அவரது உடல்நிலை மோசமடைந்ததால் தனியார் மருத்துவமனையில் அனுமதிக்கப்பட்டிருந்தார். இந்த நிலையில் சிகிச்சை பலனின்றி இன்று அவர் உயிரிழந்தார்.
வள்ளி படத்தின் மூலம் அறிமுகமான நடிகர் அலெக்ஸ் மிட்டாமிராசு, கோவில்பட்டி வீரலெட்சுமி உள்ளிட்ட பல படங்களில் நடித்துள்ளார். வில்லன், குணச்சித்திர நடிகர் என்று மாறுபட்ட வேடங்களில் நடித்த அலெக்ஸ் தமிழக அரசின் சிறந்த வில்லன் மற்றும் குணசித்திர நடிகர் விருது பெற்றுள்ளார்.இது தவிர சிறந்த மாஜிக் நிபுணராகத் திகழ்ந்த அலெக்ஸ், 24 மணிநேரம் தொடர்ந்து மாஜிக் நிகழ்ச்சி நடத்தி உலக கின்னஸ் சாதனை புத்தகத்தில் இடம் பெற்றார். இதேபோல் லிம்கா சாதனை புத்தகத்திலும் இடம்பிடித்துள்ளார்.
