.
Monday, May 16, 2011
இளையராஜாவின் வாரிசான பவதாரிணி தனது குரல் வலத்தால் தமிழக ரசிகர்களை கட்டிப்போட்டார்.பின்னணி பாடகியாக பிரகாசித்த பவதாரிணிக்கு இசையமைப்பாளராகவும் பிரகாசிக்க ஆசை தான் என்றாலும் அதற்கு சரியான வாய்ப்பு அமையாமல் இருந்தது.தற்போது அந்த வாய்ப்பை கொடுத்திருக்கிறது "அழகின் பொம்மி". தலைப்பிலே இப்படி எதிர்பார்ப்பை ஏற்படுத்தியிருக்கும் இப்படத்திற்கு பவதாரிணி தான் இசையமைப்பாளர். ஆர்.கே.விஜயகுமார், கதை, திரைக்கதை, வசனம் எழுதி இயக்கும் இப்படத்தில் முற்றிலும் புதுமுகங்கள் நடிக்கிறார்கள்.ஜெயமுரசு எழுதிய பாடல் பதிவுடன் "அழகின் பொம்மி" திரைப்பட துவக்க விழா நடைபெற்றது. கவிஞர்கள் பிறைசூடன், சிநேகன், இளையகம்பன் ஆகியோரும் இப்படத்திற்கான பாடல்களை எழுதுகிறார்கள்.
தொடர்ந்து பாடல்கள் பதிவு நடைபெற்று வரும், இப்படத்தின் படப்பிடிப்பு வரும் ஜூன் மாதம் முதல் தேனி, கம்பம் மலைக்கிராமங்களில் நடைபெற இருக்கிறது. ஆர்.எச்.அசோக் ஒளிப்பதிவு செய்ய, கலையை புவனா கவனிக்கிறார். சண்டைப்பயிற்சி டைகர் சுகு.
