.
Monday, April 25, 2011
ஆடுகளம் படத்தின் மூலம் தமிழ் ரசிகர்களைக் கவர்ந்த டாப்ஸி தற்போது தெலுங்கு, மலையாளம், ஹிந்தி திரையுலகிலும் நடிக்கத் தொடங்கியுள்ளார்.
தற்போது வெற்றிகரமாக ஓடிக் கொண்டிருக்கும் கோ படத்தின் இயக்குனரான கே.வி. ஆனந்தின் இயக்கத்தில் அடுத்து உருவாக இருக்கும் படம் மாற்றான்.
கல்பாத்தி அகோரம் தயாரிக்கும் இப்படத்தில் நாயகனாக சூர்யா நடிக்கிறார். இவருக்கு ஜோடியாக நடிக்க அனுஷ்கா, தமன்னா, ஹன்சிகா ஆகியோர் பலத்த போட்டி போட்டனர். ஆனால் இவர்களை எல்லாம் பின்னுக்குத் தள்ளிவிட்டு அந்த இடத்தை டாப்ஸி கைப்பற்றியிருக்கிறார்.
எழுத்தாளர்களான சுபாவும், இயக்குனர் கே.வி. ஆனந்தும் இப்படத்திற்கு கதை வசனம் எழுதுகின்றனர். ஹாரிஸ் ஜெயராஜ் இசையமைக்கிறார். பிற டெக்னீஷியன்களை தேர்வு செய்யும் பணி நடைபெற்றுக் கொண்டிருக்கிறதாம்.
‘தமிழ் சினிமாவில் டாப்ஸி மந்திரம் வேலை செய்யுது போல...’
