.
Sunday, May 01, 2011
வெளிநாட்டு மண்ணில் விருதுகளை வென்ற இசைப்புயல் ரகுமான், திரை இசையில் மட்டுமின்றி வெவ்வேறு பரிமாணத்தில் தனது இசையை ஒலிக்கவிட்டார்.திரையுலகினர் மட்டுமின்றி அனைத்து தரப்பினரும் ரகுமானை பாராட்டியுள்ளார்கள்.விண்ணை தாண்டி வருவாயா படத்திற்காக கெளதம் மேனன் உடன் இணைந்த ரகுமான், தற்போது இயக்குனர் கெளதம் எடுக்கும் தொலைக்காட்சி நாடகத்திற்கு இசை அமைக்க போவதாக கொலிவுட்டில் தகவல் பரவியது.
முதன் முதலாக இயக்குனர் கெளதம் எடுக்க உள்ள நாடகத்திற்கு நான் இசை அமைக்க போவதாக பேச்சு கிளம்பியது.ஆனால், அது சம்பந்தமாக இறுதியாக எந்த முடிவும் இதுவரையில் எடுக்கப்படவில்லை. படங்களுக்கு இசையமைக்கும் போது தொலைக்காட்சி பக்கம் வர எனக்கு தயக்கம் இல்லை.
தொலைக்காட்சி நாடகங்கள் நேயர்களின் மனதில் இடம் பிடித்துள்ளன. நாடகங்கள் ஒவ்வொருநாளும் நேயர்களின் படுக்கையறை வரை செல்கின்றன. அதனால் அலட்சியமாக ஒதுக்க முடியாது.
என் மகள், மகன் இருவரும் பாடல்களை பாடியுள்ளார்கள். இதை வைத்து அவர்களையும் கிராமி, ஓஸ்கர் விருது வாங்க இப்போதிலிருந்தே தயார் படுத்துவதாக நினைத்து கேட்கிறார்கள்.
இசை துறையில் அவர்கள் விருப்பம் என்னவென்று தெரியவில்லை. எதையும் கட்டாயப்படுத்தி அவர்களிடம் திணிக்க போவதில்லை.
ஆனால் என்னுடைய இசை பள்ளியில் படிக்கும் மாணவர்களை பலவகையில் உற்சாகப்படுத்தி வருகிறேன் என்றும் இசைப்புயல் ரகுமான் குறிப்பிட்டுள்ளாராம்.
