.
Tuesday, May 24, 2011
கடந்த சில நாட்களுக்கு முன்பு நடிகை ஷில்பா ஷெட்டி கர்ப்பமாக இருப்பதாக மீடியாக்களில் செய்திகள் பரவின. இதனால் ஷில்பாவின் சினிமா நண்பர்கள் ஏராளமானோர் அவருக்கு போன் செய்து வாழ்த்து சொன்னார்களாம். அதன்பிறகுதான் இப்படியொரு செய்தி தனக்குத் தெரியாமலேயே பரவியிருக்கும் செய்தி அவருக்கு தெரிய வந்திருக்கிறது. இதனால் தனது டுவிட்டரில் தற்போது அதற்கு மறுப்பு செய்தி கொடுத்துள்ளார் ஷில்பா ஷெட்டி.
செய்திகள் வெளியானது போல் நான் கர்ப்பமடையவில்லை. எப்படி இப்படியொரு செய்தி வெளியானது என்றே எனக்கு தெரியவில்லை. அதனால் இந்த வதந்தியை எனது அபிமானிகள் யாரும் நம்ப வேண்டாம். மேலும் மீடியாக்கள் இதுபோன்று வதந்தி பரப்புவதால் பிரபலங்களான என்போன்றோருக்கு நிம்மதி கெடுகிறது என்றும் தனது மனவேதனையை தெரிவித்திருக்கிறார் ஷில்பாஷெட்டி.
மேலும், நிஜமாகவே நான் கர்ப்பமானால் அந்த சந்தோசமாக செய்தியை அனைவருக்கும் நானே தெரிவிப்பேன் என்றும் தெரிவித்திருக்கிறார் ஷில்பா.
