.
Thursday, May 19, 2011
| "கோ" படம் மூலம் ராதா மகள் கார்த்திகா முதலிடத்திற்கு முட்டிக் கொண்டிருக்கும் சில நாயகிகளிடையே பீதி கிளம்பியுள்ளதாம். |
 அந்தக் காலத்து முன்னணி நாயகி ராதா. அவரது மகள் கார்த்திகா. கூடிய விரைவில் இவரும் ஒரு பிசியான நாயகியாகி விடுவார் போலத் தெரிகிறது.காரணம், "கோ" படத்தில் கிடைத்த வெற்றி. சில நேரங்களில் ராதாவின் சாயல் தெரிகிறது. சில நேரங்களில் ராதாவை மிஞ்சும் சாயல் தெரிகிறது கார்த்திகாவிடம். இந்த வித்தியாசமான அழகுக்கு, கோ படத்தில் ரசிகர்களிடையே நல்ல வரவேற்பு கிடைத்திருப்பதால் அம்மா ராதாவம், மகள் கார்த்திகாவும் பூரிப்பில் உள்ளனர். தேவைப்பட்டால் கார்த்திகா கவர்ச்சியாகவும் நடிக்கலாம் என்று ராதா கொள்கை முடிவு எடுத்திருக்கிறார். இதனால் தயாரிப்பாளர்கள் தரப்பிலும் கூட பூரிப்பு தென்படுகிறதாம். நல்ல கதையம்சத்துடன் கூடிய படங்களைத் தெரிவு செய்து கார்த்திகாவுக்கு கொடுக்கப் போகிறார் ராதா. கோ பட வெற்றியைத் தொடர்ந்து கார்த்திகாவை நோக்கி நிறையப் பேர் வர ஆரம்பித்துள்ளனர் கதையுடன். அவற்றை தீவிரமாக பரிசீலித்து நல்ல கதைகளைத் தெரிவு செய்து வருகிறாராம் ராதா. அடுத்தடுத்து வித்தியாசமான கதைகளில் கார்த்திகாவைக் காணலாம் என்கிறார் ராதா நம்பிக்கை பிளஸ் சந்தோஷத்துடன். கார்த்திகாவின் இந்த திடீர் விஸ்வரூபத்தால் ஏற்கனவே முதலிடத்திற்கு முண்டியடித்துக் கொண்டிருக்கும் ஹன்சிகா மோத்வானி, அமலா பால் உள்ளிட்டோர் சற்றே கலங்கிப் போயுள்ளனராம். ஏற்கனவே இவர்கள் வந்துதான் தமன்னாவை ஓரங்கட்டினர். அந்த சூடு ஆறுவதற்குள்ளாகவே கார்த்திகாவின் வருகை இவர்களை சற்றே பயம் கொள்ளச் செய்துள்ளதாம். |
