.
Friday, June 17, 2011
பில்லா இரண்டாம் பாகத்தில் ஒளிப்பதிவாளராக ஆர்.டி.ராஜசேகர் ஒப்பந்தம் செய்யப்பட்டிருக்கிறார். பில்லா படத்தின் வெற்றிக்கு ஒளிப்பதிவும் முக்கிய காரணமாக இருந்தது. எந்த சுவாரஸியமும் இல்லாத திரைக்கதையை தனது அபாராமான ஒளிப்பதிவின் மூலம் ஆஹா போட வைத்திருந்தார் நீரவ்ஷா. பில்லா இரண்டாம் பாகத்தில் விஷ்ணுவர்தன், யுவன் ஷங்கர் ராஜா, நீரவ்ஷா என பில்லா டீமே பணிபுரிவதாக இருந்தது. சில காரணங்களால் படத்தின் இயக்குனர் பொறுப்பிலிருந்து விஷ்ணுவர்தன் நீக்கப்பட்டார். என்றாலும் நீரவ்ஷாவும், யுவன் ஷங்கர் ராஜாவும் பில்லா 2-வில் தொடர்வார்கள் என்று கூறப்பட்டது. இந்நிலையில் நீரவ்ஷாவுக்குப் பதில் ஆர்.டி.ராஜசேகரை ஒளிப்பதிவாளராக ஒப்பந்தம் செய்துள்ளனர். சக்ரி படத்தை இயக்குகிறார். இசை யுவன் ஷங்கர் ராஜா என்பதில் மட்டும் இதுவரை மாற்றமில்லை.