தேசிய விருது பெற்ற இயக்குநர் மதுர் பண்டர்கர் அடுத்து இயக்க போகும் "ஹீரோயின்" படத்தின் நாயகியாக ஐஸ்வர்யா ராய் நடிக்க ஒப்பந்தமாகி இருக்கிறார்.ஒரு சினிமா ஹீரோயினின் கதை தான் படமாக உருவாக இருக்கிறது.இப்படத்தின் கதையை கேட்டு மிகவும் பிடித்துபோனதால் உடன் நடிக்க ஒப்புக்கொண்டார். மதுர் பண்டர்கரும், யு.டி.வி.யும் இணைந்து இப்படத்தை தயாரிக்கின்றனர். விரைவில் இப்படம் தொடர்பான அதிகாரப்பூர்வ அறிவிப்பு வெளியிடப்பட இருக்கிறது. அனேகமாக கேன்ஸ் திரைப்பட விழாவின் போது இந்த அறிவிப்பு வெளியாகலாம் என்று எதிர்பார்க்கப்படுகிறது.முன்னதாக கரீனா கபூர் இப்படத்தில் நடிக்க இருந்தார். இதுதொடர்பாக சில பல ஸ்டில்களுக்கும் போஸ் கொடுத்த கரீனா, பின்னர் நடிக்க விருப்பமில்லை என்று கூறிவிட்டார். அதனையடுத்து தான் ஐஸ்வர்யா ராயை அணுகி புக் செய்துள்ளார் மதுர் பண்டகர்.
.
Wednesday, May 11, 2011
