.
Wednesday, July 20, 2011
 பள்ளியில் பிஸிக்ஸ், கெமிஸ்ட்ரி ஒழுங்காக வராமலிருந்தாலும், சினிமாவுக்கு வந்த பிறகு அதெல்லாம் அபாரமாக வந்துவிடுகிறது நடிகர் நடிகைகளுக்கு. எந்த ஹீரோ ஹீரோயினிடம் பேசினாலும் 'எனக்கும் அவருக்கும் கெமிஸ்ட்ரி சூப்பரா ஒர்க் அவுட் ஆயிடுச்சி' என்று சிலாகிக்கிறார்கள். அதே கெமிஸ்ட்ரி கிசுகிசுவாக வந்து விட்டால் கொதிக்கிறார்கள். |
இப்போது கெமிஸ்ட்ரி பிரமாதமாக ஒர்க் அவுட் ஆகியுள்ள இருவர் ஸ்ரேயா - ஜீவா. படம் - ரௌத்திரம். ஸ்ரேயாவுக்கு தமிழில் இருக்கும் ஒரே படம். இந்தப் படத்தின் பாடல் வெளியீட்டு விழா சென்னையில் நேற்று நடந்தது. இந்த விழாவில்தான் ஜீவா தனது கெமிஸ்ட்ரி புராணத்தை ஆரம்பித்தார். அவர் கூறுகையில், 'நானும் ஸ்ரேயாவும் முதல்முதலில் ஜோடி சேர்ந்துள்ள படம் இது. ஸ்ரேயா சிறந்த டான்சர். இந்த படத்தில் அவருக்கு ரொம்ப சாஃப்ட் வேடம். எங்கள் இருவருக்கும் நல்ல அண்டர்ஸ்டாண்டிங். கெமிஸ்ட்ரி நன்றாக இருந்தது..', என்றார். ஏற்கெனவே ஜீவாவுடன் கெமிஸ்ட்ரி 'எக்கச்சக்கமாக ஒர்க் அவுட்' ஆன பூனம் பாஜ்வா என்ன ஆனார்! |
