.
Thursday, June 16, 2011
வாழ்வில் பல ஏற்றத்தாழ்வுகளை சந்தித்தவர் நீங்கள், எதைப்பற்றியும் கவலைப்படாதீர்கள் என்று முன்னாள் முதல்வர் கருணாநிதிக்கு டெலிபோனில் தொடர்பு கொண்டு ஆறுதல் கூறினார் ரஜினி. இதுகுறித்து தி.மு.க., தலைமைக் கழகம் வெளியிட்ட அறிக்கை: நடிகர் ரஜினிகாந்த், கடந்த ஏப்ரல் 29ம் தேதி, உடல்நலக் குறைவால் பாதிக்கப்பட்டார். சென்னையில், இசபெல்லா மற்றும் ராமச்சந்திரா மருத்துவமனைகளில் சிகிச்சை பெற்றார். பின், சிங்கப்பூர் சென்று சிகிச்சை பெற்றார். மருத்துவமனையிலிருந்து டிஸ்சார்ஜ் ஆனார். அங்கு, வாடகை வீட்டில் தங்கி ஓய்வெடுத்து வருகிறார். அவர், கருணாநிதியை டெலிபோனில் தொடர்பு கொண்டு, தன் உடல் நலம் குறித்து விவரம் தெரிவித்தார். மகிழ்ச்சியடைந்த கருணாநிதி, அவர் விரைவில் சென்னை திரும்ப வேண்டும் என்றார்.அவரிடம் பேசிய ரஜினிகாந்த், "நீங்கள் வாழ்வில் பல ஏற்றத் தாழ்வுகளை, மேடு பள்ளங்களை எல்லாம் சந்தித்தவர். உங்கள் உடல் நலம் முக்கியம். எதைப் பற்றியும் பெரிதாகக் கருதாமல் இருக்க வேண்டும் என்றார். இவ்வாறு அறிக்கையில் தெரிவிக்கப்பட்டுள்ளது.
