நடிகை அனுஷ்கா, மறைந்த பழம்பெரும் நடிகை சாவித்ரி போல வருவார் என்று ரைக்டர் விஜய் கூறியுள்ளார். மதராசபட்டினம் படத்தை தொடர்ந்து டைரக்டர் விஜய் அடுத்து இயக்கி இருக்கும் படம் தெய்வத்திருமகள். இப்படத்தில் மனவளர்ச்சி குன்றியவராக நடித்திருக்கிறார் விக்ரம். இவருடன் அனுஷ்கா, அமலாபால், சந்தானம், நாசர், எம்.எஸ்.பாஸ்கர் உள்ளிட்ட பலர் நடித்திருக்கின்றனர். இப்படம் ஜூலை 15ம் தேதி திரைக்கு வர இருக்கிறது. இந்நிலையில் இப்படத்தின் பத்திரிகையாளர்கள் சந்திப்பு சென்னையில் நடந்தது.
அதில் பேசிய படத்தின் டைரக்டர் விஜய், விக்ரம் இந்தபடத்தில் மனவளர்ச்சி குன்றிய இளைஞராக, மிகுந்த சிரமப்பட்டு நடித்துள்ளார். இதற்காக தனது எடையில் 10கிலோவை குறைத்திருக்கிறார். இந்தபடம் ஒரு ஆவணப்படமோ, கலைப்படமோ அல்ல. முழுக்க முழுக்க ஒரு கமர்ஷியல் படம். படத்தில் ஒவ்வொரு ஆர்டிஸ்டும் தங்களது முழுதிறமையை இந்தபடத்தில் காண்பித்து இருக்கின்றனர். அதேபோல் இந்தபடத்தில் அனுஷ்காவின் நடிப்பு முக்கியமானது. முதலில் அவரை இந்த படத்திற்காக ஒப்பந்தம் செய்தபோது, இந்த கேரக்டருக்கு அவர் சரிபட்டு வருவாரா...? என சிறு சந்தேகம் இருந்தது. ஆனால் முதல்நாள் சூட்டிங்கின் போதே அந்த கேரக்டராகவே மாறி நடித்தார். அனுஷ்கா ஒரு சிறந்த நடிகை. அவர் நடிகை சாவித்ரி போல வருவார். தமிழ் சினிமாவில் அவரது நடிப்பு நிச்சயம் பேசப்படும். இதுவரை கவர்ச்சியாகவே தெரிந்த அனுஷ்கா, இந்தபடத்தில் துளியும் கவர்ச்சியில்லாமல், ஒரு நல்ல வலுவான கேரக்டரில் நடித்துள்ளார்.இவ்வாறு அவர் கூறினார்.
.
Saturday, July 09, 2011
