.
Sunday, May 22, 2011
நடிப்பை காட்டிலும் படிப்பு தான் மிக முக்கியம் என்று கூறுகிறார் "பட்டாளம்" படத்தின் நாயகி திப்தி. "பட்டாளம்" படத்தின் மூலம் அறிமுகமானவர் நடிகை திப்தி. முதல்படத்தில் பள்ளி மாணவியாக நடித்து அசத்திய திப்தி, இப்போது இரண்டு படங்களில் நடித்து வருகிறார்.இதுகுறித்து திப்தி கூறியதாவது, தற்போது நான், டைரக்டர் ஸ்ரீபவன் இயக்கத்தில் "யுகம்" என்ற படத்தில் நடிக்கிறேன். இப்படத்தின் சூட்டிங் பெரும்பகுதி முடிந்து விட்டது. இந்தபடத்தில் எனக்கு அருமையான கேரக்டர். படத்தில் நான் ஹவுஸ்ஒயிஃப்பாக நடிக்கிறேன். இதற்கு அடுத்து பிரபல டைரக்டர் ஏ.ஆர்.முருகதாஸ் தயாரிக்கும் படம் ஒன்றில் நடித்து வருகிறேன். மூன்று வித்யாசமான கதையம்சத்துடன் இப்படம் உருவாகி வருகிறது. திப்தி சமீபத்தில் தான் தன்னுடைய பட்டப்படிப்பை முடித்து இருக்கிறார். மேற்கொண்டு எம்.பி.ஏ., படிப்பதற்காக அப்ளே செய்துள்ளார். படிப்பு குறித்து கூறும்போது, நடிப்பை விட எனக்கு படிப்பு தான் மிக முக்கியம். எப்போதும் எனது முதல் முன்னுரிமை படிப்பிற்கு தான். இப்போது நான் நடித்த "பட்டாளம்", "யுகம்" போன்ற படங்கள் எல்லாத்தையும் விடுமுறை நாட்களில் தான் நடித்தேன். இப்போது நடிக்கும் மூன்றாவது படமும் லீவு நாளில் தான் நடிக்கிறேன். கூடவே என்னுடைய பட்டபடிப்பு ரிசல்ட்காகவும் காத்திருக்கிறேன் என்று புன்னகையோடு கூறுகிறார் திப்தி.
