நீண்ட காலத்துக்கு பிறகு அவன் இவன் படத்தில் நடித்த நடிகை அம்பிகாவுக்கு திரையுலகில் செம வரவேற்பு கிடைத்துள்ளது. அம்பிகாவின் அசால்ட்டான நடிப்பை பார்த்து வியந்த சினிமா புள்ளிகள், தங்களது அடுத்த படங்களில் அம்பிகாவை புக் செய்ய தயாராகி வருகிறார்கள். கவர்ச்சிகரமான அம்பிகாவையே பார்த்து பழகிப் போன ரசிகர்களுக்கு "அவன் இவன்" படத்தில் அம்மணியின் நடிப்பு அதிசயிக்க வைத்தது,. படு கூலாக தம்மடித்தபடி அவர் பேசியதையும், குத்த வைத்து உட்கார்ந்து கொண்டிருக்கும் தனது மகனைப் பார்த்து சக்காளித்தியான ஆர்யாவின் அம்மா படு கிண்டலடித்துப் பேசுவதைப் பார்த்து, கடுப்புடன் ஸ்டைலாக காலால் எட்டி உதைத்த காட்சியும் தத்ரூபமானவை. நீண்ட நாட்களுக்குப் பிறகு அம்பிகாவை வித்தியாசமான கோணத்தில் பார்த்த ரசிகர்களுக்கு நிச்சயம் குஷியான விஷயமாகவே இது அமைந்துள்ளது. இயக்குநர்கள் மத்தியிலும் அம்பிகாவின் கேரக்டர் வெகுவாக கவர்ந்துள்ளதால், தங்களது படத்தில் அவரை நடிக்க வைக்க கால்ஷீட் கேட்டு வருகிறார்களாம். ஒரே நேரத்தில் பலர் அழைப்பதால் வருகிற வாய்ப்புகளில் நல்ல படங்களை தேர்வு செய்து நடிக்க தயாராகி விட்டாராம் அம்பிகா.
.
Sunday, July 10, 2011
