.
Saturday, May 21, 2011
நடிகர் ரஜினிகாந்த் விரைவில் குணமடைய பிரபல பாலிவுட் நடிகர் ஷாரூக்கான் வாழ்த்து தெரிவித்துள்ளார். உடல்நலம் பாதிக்கப்பட்டு மருத்துவமனையில் சிகிச்சை பெற்று வரும் நடிகர் ரஜினி பற்றி திரையுலக பிரமுகர்கள், அரசியல் பிரமுகர்கள் என பலரும் நலம் விசாரித்து வருகிறார்கள். முதல்வர் ஜெயலலிதா உள்ளிட்டோர் ரஜினியின் மனைவி லதாவிடம் போனில் நலம் விசாரித்தனர். தேமுதிக தலைவர் விஜயகாந்த் உள்ளிட்ட பலர் நேரில் சென்று நலம் விசாரித்தனர். இந்நிலையில் பாலிவுட் சூப்பர் ஸ்டார் ஷாரூக்கான் ரஜினிகாந்த் விரைவில் குணமடைய வாழ்த்து தெரிவித்துள்ளார். இதுதொடர்பாக அவர் ட்விட்டரில், `கிரிக்கெட் பந்தயத்தில் இருந்து நான் திரும்பியபோது, ரஜினி சாருக்கு உடல்நிலை சரியில்லை என்று அறிந்து கவலைப்பட்டேன். அவர் எங்கள் சூப்பர் ஹீரோ. கடவுள் அருளால் அவர் விரைவில் குணம் அடைவார் என்று எழுதி உள்ளார்.
இதேபோல பழம்பெரும் நடிகர் தேவ்ஆனந்த், `எனது பிரியமான ரஜினி விரைவில் குணம் அடைய பிரார்த்திக்கிறேன் என்று கூறியிருக்கிறார். ரஜினி விரைவில் குணம் அடைய பின்னணி பாடகி லதா மங்கேஷ்கரும் வாழ்த்து தெரிவித்துள்ளார்.
