.
Wednesday, June 29, 2011
"பொய்" படத்தின் மூலம் தமிழில் அறிமுகமான நடிகை விமலா ராமன், "ராமன் தேடிய சீதை" படத்தின் மூலம் அனைவராலும் அறியப்பட்டார். தமிழ் தவிர மலையாளம் மற்றும் தெலுங்கு படங்களிலும் நடித்திருக்கும் விமலா ராமன், தற்போது மலையாளம் மற்றும் ஆங்கிலத்தில் உருவாகி வரும் "டேம் 999" என்ற படத்தில் நடித்து வருகிறார். இந்நிலையில் முதன்முறையாக இந்தி படம் ஒன்றில் நடிக்க அவருக்கு வாய்ப்பு கிடைத்திருக்கிறது. இதுகுறித்து விமலாராமனின் உதவியாளர் கூறியதாவது, விமலா ராமன் இந்தியில் நடிக்க போவது உண்மைதான். டைரக்டர் ஹாட் அலி அக்பர் இயக்கும் படத்தில், கோவிந்தாவுக்கு ஜோடியாக நடிக்கிறார். இப்படத்தின் தலைப்பு இன்னும் முடிவாகவில்லை. விமலா ராமனுடன் சுனில் ஷெட்டி, ஆர்யா அக்பர், முகுதா கோஸ், முகுல் தேவ் உள்ளிட்ட பலர் நடிக்கின்றனர். இப்படம் ஒரு முழுநீள காமெடி படமாக இருக்கும். இப்படத்தின் சூட்டிங்கிற்காக விரைவில் மும்பை செல்ல இருக்கிறார் விமலா ராமன். தெலுங்கு சினிமாவில் விமலா ராமன் எப்படி அசத்தினாரோ, அதேபோல் இந்தி சினிமாவிலும் நிச்சயம் அவர் அசத்துவார் என்றார்.
