Monday, July 11, 2011
‘சிங்கம்’ ரீமேக்கில் அஜய்தேவ்கன் ஜோடியாக இந்தியில் அறிமுகமாகிறார் காஜல் அகர்வால். இந்தப் படம் ஜூலை 22-ம் தேதி ரிலீஸ் ஆகிறது. இதில் நடித்தது பற்றி காஜல் கூறியதாவது: அஜய்தேவ்கனுடன் நடித்தது புதிய அனுபவமாக இருந்தது. ஏற்கனவே தமிழில் அனுஷ்கா நடித்த வேடம்தான் என்றாலும் நான் எனது பாணியில் நடித்தேன். எல்லாருக்குமே இந்தியில் நடிக்கும் ஆசை இருக்கும். அந்த ஆசை எனக்கும் இருந்தது என்றாலும் தென்னிந்திய படங்கள்தான் என் வளர்ச்சிக்கு காரணம். இந்தியில் நடிக்க வந்துவிட்டதால் பிகினியில் நடிப்பீர்களா? இந்தி படங்களில் முத்தக்காட்சி இருக்குமே என்றெல்லாம் கேட்கிறார்கள். அப்படி எதுவும் இல்லை. எவ்வளவு பெரிய படமாக இருந்தாலும் கண்டிப்பாக பிகினியில் நடிக்க மாட்டேன். அதேபோல முத்தக்காட்சியிலும் நடிக்க மாட்டேன். நான் நடித்த படத்தை என் குடும்பத்தினர் பார்க்கும்போது முகம் சுழிக்காமல் இருக்க வேண்டும். அதற்காகதான் சில கட்டுப்பாடுகளுடன் நடித்து வருகிறேன். இவ்வாறு காஜல் அகர்வால் கூறினார்.