“சிந்துசமவெளி” ஆபாசபடம் வெளியீட்டால் “இமேஜ்” பாதிப்பு:அமலாபால் வருத்தம்.

Monday, July 18, 2011

விக்ரமுடன் அமலாபால் நடித்த “தெய்வத்திருமகள்” படம் ரிலீசாகி ஓடிக்கொண்டிருக்கிறது. இதில் சிறப்பாக நடித்து இருப்பதாக அமலாபாலுக்கு பாராட்டுகள் குவிகின்றன.

 

இந்த நிலையில் இவர் ஏற்கனவே நடித்த ஆபாசபடமான “சிந்துசமவெளி” சென்னையில் 5 தியேட்டர்களில் திடீரென மீண்டும் ரிலீஸ் செய்யப்பட்டு உள்ளது. தெய்வத்திருமகள் போஸ்டர்களோடு சிந்துசமவெளி சுவரொட்டிகளும் ஒட்டப்பட்டுள்ளன

 

இதனால் அமலாபால் வருத்தமடைந்து உள்ளார். சிந்துசமவெளி படத்தை மறக்க விரும்புகிறேன் என்று தொடர்ந்து கூறி வந்தார். அதில் கணவருக்கு தெரியாமல் மாமனாருடன் கள்ளக்காதல் செய்யும் மருமகள் கேரக்டரில் நடித்து இருந்தார்.

 

தணிக்கை குழு “ஏ” சான்றிதழ் அளித்தது. இப்படத்துக்கு எதிராக போராட்டங்கள் நடந்தது. அமலாபாலுக்கு மிரட்டல்களும் வந்தன. அப்படத்தின் இயக்குனர் சாமி வீடு தாக்கப்பட்டது. இதனால் சில நாட்கள் சென்னை வருவதையே அமலாபால் தவிர்த்தார்.

 

சிந்துசமவெளியில் அனதா என்ற பெயரில் நடித்தார். எதிர்ப்புகளுக்கு பிறகு பெயரை அமலாபால் என மாற்றிக்கொண்டு “மைனா” படத்தில் நடித்தார். அது ஹிட்டானதால் படவாய்ப்புகள் குவிந்தது.

 

"தெய்வத்திருமகள்” படத்திலும் நல்லவேடம் அமைந்தது. அப்படம் ரிலீசாகியுள்ள இத்தருணத்தில் சிந்துசமவெளி படத்தை ரிலீஸ் செய்து இருப்பதால் அதில் அமலாபால் ஆபாசமாக நடித்து இருப்பதை பார்க்க ரசிகர்கள் ஆர்வம் காட்டுகின்றனர். இதன் மூலம் தனது “இமேஜ்” அடிபடும் என்ற கவலையில் இருக்கிறார்.