.
Monday, July 04, 2011
 இதுவரை தமிழ், தெலுங்கு, மலையாளம், இந்தி, கன்னடம் என 5 மொழிகளில் 950க்கும் மேற்பட்ட படங்களுக்கு இசையமைத்திருக்கும் இசைஞானி இளையராஜா முதன் முறையாக மராத்தி படத்திற்கு இசையமைத்துள்ளார். மராத்தியில் டைரக்டர் கஜேந்திரா அகைர் இயக்கவிருக்கும் புதிய படமான ஹலோ ஜெய்ஹிந்த் என்ற படத்திற்குத்தான் இளையராஜா இசை அமைத்துக் கொடுத்திருக்கிறார். மூத்த பாடகர்களான ஹரிஹரன், சுக்விந்தர் சிங், கைலாஷ் கேர், அனில் ஷிண்டே உள்ளிட்டவர்கள் இசைஞானியின் இசையில் மராத்தி பாடல்களை பாடியிருக்கிறார்கள். |
மராத்தி திரையுலகில் இளையராஜா நுழைந்திருப்பது பற்றி டைரக்டர் கஜேந்திரா அஹைர் அளித்துள்ள பேட்டியில், ஹலோ ஜெய்ஹிந்த் படம் மும்பையில் நடைபெறும் சம்பவங்களை அடிப்படையாகக் கொண்ட கதையம்சத்துடன் உருவாகியிருக்கிறது. எங்கள் படத்திற்கு இளையராஜாவை இசையமைக்கும்படி அழைத்தோம். சற்று யோசித்த அவர் சம்மதம் தெரிவித்தார். அதையே எங்களுக்கு பாதி வெற்றி கிடைத்து விட்டதாக கருதுகிறோம். அவர் மிக மிக எளிமையானவர். படத்தின் கதையை கேட்டதும் இசையமைக்க சம்மதித்து விட்டார். இளையராஜாவின் இசையால் எங்கள் படத்திற்கு தனி மரியாதை கிடைத்திருக்கிறது. படத்தின் தரம் உயர்ந்திருக்கிறது, என்று கூறியுள்ளார். |
